Jahandyq taýar aǵyndary aıtarlyqtaı ózgerdi – Prezıdent
«Rasynda da, biz 2020 jyly Eýrazııalyq ekonomıkalyq ıntegratsııany damytýdyń 2025 jylǵa deıingi strategııalyq baǵyttaryn qabyldadyq. Negizinen bul ne istelgenin jáne ne bolatynyn baǵamdaý boldy, maqsattar men mindetterdi ózektendirýdiń bir túri dese bolady. Árıne, EAEO-nyń orasan zor geografııalyq aýqymyn nazarǵa ala otyryp, ınfraqurylymdyq baılanysty damytý asa mańyzdy basymdyqtardyń biri boldy jáne bola beredi de», - dedi Qasym-Jomart Toqaev.
Prezıdenttiń aıtýynsha, munda birden eki deńgeıde: odaqishilik – kólik jáne kommýnıkatsııa salasyndaǵy qatysýshy elderdiń ıntegratsııa jelisi boıynsha jáne halyqaralyq – kólik jáne logıstıka salasyndaǵy úshinshi eldermen yntymaqtastyqty damytý jáne halyqaralyq kún tártibin iske asyrý sheńberinde jumys júrgiziledi.
Sondaı-aq, Q. Toqaev jahandyq taýar aǵyndarynyń aıtarlyqtaı ózgergen kórinisin eskere otyryp, qazir barlyq aımaqta múmkindiginshe jańa baǵyttardy baqylaý men qurý óte mańyzdy ekenin atap ótti.
«Bizdiń Shyǵysymyzda kontınenttik strategııalyq baılanysty qurý jónindegi jarqyn jáne aýqymdy bastamalardyń biri – Qytaı Halyq Respýblıkasynyń»Beldeý jáne jol«jobasy.
Soltústik-Ońtústik jelisi boıynsha saýda-ekonomıkalyq ózara is-qımylǵa suranys birneshe ese kúsheıe tústi. Biz negizinen osy protsesterdiń ortalyǵyndamyz. Ótken jylǵy oqıǵalar «Jańa jahandyq logıstıkanyń» negizgi elementi retinde «Soltústik-Ońtústik» kólik dálizin damytýdyń mańyzdylyǵyn taǵy da aıqyn kórsetti. Bul merıdıandyq dáliz endik «Transkaspıı halyqaralyq kólik marshrýtymen» kelisiledi. Sondyqtan biz eki marshrýttyń úılesimdi jáne júıeli damýynda aıtarlyqtaı sınergııany kóremiz», - dedi Memleket basshysy.
Onyń aıtýynsha, bul ónerkásip, kólik jáne ekonomıka úshin ósý núktesi ǵana emes, bul marshrýttar Úlken Eýrazııa ishindegi ózara is-qımyl men kooperatsııa deńgeıin túbegeıli ózgerte alady.
