Jahandyq naryqta básekege qabiletti ónim shyǵarýǵa umtylǵan kásiporyndarǵa qoldaý kórsetemiz - Qasymbek
Onyń dereginshe, Indýstrııalandyrý baǵdarlamasy júzege asyrylǵan jyldardyń ishinde mashına jasaý salasynda jalpy quny 260 mlrd teńgeni quraıtyn 100-den astam iri joba júzege asyryldy. Mashına jasýshylar shamamen 11 myń jumys ornyn qurdy.
«Mınıstrliktiń taıaý keleshektegi negizgi basymdyqtarynyń biri qosylǵan quny joǵary tehnologııalyq ónimder óndirisin uıymdastyrý úshin jaıly jaǵdaı jasaý bolmaq. Tabysqa jetýge umtylyp, tehnıkalyq jańǵyrtýǵa qarjy salatyn, jahandyq naryqta básekege qabiletti ónim shyǵaratyn kásiporyndarǵa jan-jaqty qoldaý kórsetiletin bolady», - dedi mınıstr.
Sonymen qatar Jeńis Qasymbek ótken jyly elimizdiń Indýstrıaldy-ınnovatsııalyq damý memlekettik baǵdarlamasy ózektendirilip, basymdyqtardyń yqshamdalǵanyn jáne keleshekte elimizdiń básekege qabilettiligin aıqyndaıtyn qosylǵan quny joǵary baǵyttar ǵana qaldyrylǵanyn atap ótti.
«Atalǵan tizimde mashına jasaý salasy da bar. Ol tolyqtaı alǵanda ekonomıka qurylymynyń ózgerýine yqpal etýi tıis. Sondyqtan da Úkimet bul salany qoldaýǵa nıetti. Biz jańa Salyq kodeksinde, Keden kodeksinde qajetti sharalardy qabyldaýdy josparlaýdamyz. Sonymen qatar 2018-2020 jyldardyń bıýdjeti aıasynda eksportty, mashına jasaýdy qoldaý, avtonesıeleý jáne basqa da tetikter arqyly salaǵa aıtarlyqtaı qarjylandyrý júrgizýdi kózdep otyrmyz», - dedi Jeńis Qasymbek.
