Jahandyq ekonomıkany qalpyna keltirý úshin kelisilgen sharalar qajet - QR Prezıdenti
«Jahandyq ekonomıkany qalpyna keltirý úshin kelisilgen sharalardy shuǵyl qabyldaý qajet. Men Bas hatshynyń álemdik ekonomıkanyń 10% quraıtyn yntalandyrý jónindegi sharalar toptamasyn júzege asyrý qajet degen úndeýine qosylamyn. Sonymen qatar, onyń pandemııaǵa qarsy kúres barshaǵa birdeı jáne mol múmkindik jasaýǵa baǵyttalǵan Jańa ǵalamdyq kelisimge negizdelýi kerek degen pikirin qoldaımyn. Eń kedeı elderdiń qaryzdaryn tóleýin toqtatý jónindegi sharalar álemdik naryqtaǵy teris faktorlardy azaıtýǵa jáne túsiniksizdikti tómendetýge yqpal etedi dep esepteımiz. «Ulttyq densaýlyq saqtaý isine ınvestıtsııa salǵandardyń qaryzdaryn jeńildetý» formýlasyna sáıkes Halyqaralyq qarjy mekemeleri óz jumystaryna ınnovatsııalyq sheshimderdi belsendi engizýi kerek « , - dedi Qasym-Jomart Toqaev.
QR Prezıdenti jahandyq damýdy qarjylandyrý jóninde aldaǵy ýaqytta ótetin joǵary deńgeıdegi kezdesýde naqty ári mańyzdy sharalar qabyldanady dep úmittenetindigin basa aıtty.
«Teńizge shyǵatyn joly joq damýshy elder (TShJDE) saýda-sattyqqa jáne kólik-logıstıkalyq keshenge zor zııanyn tıgizgen COVID-19 indetinen aýyr zardap shekti. Osy damýshy elder tobynyń qazirgi tóraǵasy retinde Qazaqstan Vena is-qımyldar baǵdarlamasyn júzege asyrýdy jandandyrý úshin BUU-nyń Jol kartasyn qabyldaýdy usyndy», - dedi Memleket basshysy.
