Jahandyq dodanyń sheshýshi synynda 8 eldiń bylǵary qolǵap sheberleri sharshy alańǵa shyǵady
ASTANA. QazAqparat - Búgin Qatar memleketiniń astanasy Dohada ótip jatqan bokstan álem chempıonatynyń fınaldyq kezdesýleri bastalady. Jahandyq dodanyń sheshýshi synynda jeńimpaz ataný úshin 8 eldiń ǵana bylǵary qolǵap sheberleri sharshy alańǵa shyǵady.
10 kúnge sozylǵan tartysty básekede fınalǵa jetkenderdiń ishinde Kýba qabylandary basymdyqqa ıe bolyp otyr. Bostandyq aralynyń 6 birdeı boksshysy álem chempıonatynyń fınalynda óner kórsetedi. Reseıdiń jáne Ózbekstannyń úsh boksshysy sheshýshi synǵa joldama alǵan bolatyn. Al eki sportshysy qalǵan memleketter - Qazaqstan, Ázirbaıjan jáne Irlandııa. Sondaı-aq Marokko men Frantsııa elderiniń bir-bir boksshysy qazaqstandyq qos sańlaqqa qarsylas atanyp otyr.
Osy oraıda, «Qazaqstan» ulttyq arnasy jáne «Qazsport» telearnasy álem birinshiliginiń búgin jáne erteń ótetin fınaldyq kezdesýlerin otandyq jankúıerlerdiń nazaryna usynbaqshy. «Qazsport» telearnasynda Astana ýaqytymen saǵat 22-00-de tikeleı efırde kórsetiledi dep kútilýde.
Qazaqstan jankúıerleri 69 keli salmaqta óner kórsetetin Danııar Eleýsinov pen 91 keliden joǵary salmaqtaǵy Ivan Dychkoǵa úlken senim artyp otyr.
