Jahandyq básekege qabilettilik ındeksinde Qazaqstan 144 eldiń ishinde 50-orynda turaqtady
ASTANA. QazAqparat - Bul týraly Ortalyq kommýnıkatsııalar qyzmetindegi brıfıngte Ulttyq ekonomıka mınıstri Erbolat Dosaev málim etti.
«Ótken kúni Úkimet aǵymdaǵy jyldyń 3 qyrkúıeginde jarııalanǵan Dúnıejúzilik ekonomıkalyq forýmnyń Jahandyq básekege qabilettilik týraly 2014-2015 esebin talqylaǵan bolatyn. Jahandyq básekege qabilettilik ındeksinde Qazaqstan tıimdilik jáne ınnovatsııalyq damý faktorlaryna joǵary mán beriletin tıimdi damýdyń ekinshi kezeńinen ınnovatsııalyq damýdyń joǵarǵy úshinshi kezeńine aýyspaly pozıtsııadaǵy elder tobynda óz ornyn saqtaı otyryp, 4,42 (2013 jyly 4,41 - 50 oryn, 2012 jyly 4,38 - 51 oryn, ) ortasha ballmen 144 eldiń ishinde 50-orynǵa ıe boldy», - dedi mınıstr.
Onyń sózine qaraǵanda, DEF JBI reıtıngisinde elder 12 faktor boıynsha baǵalanady, olardyń ekeýi boıynsha Qazaqstan birinshi 30 eldiń qataryna kirgen.
