Jahandaný zamanynda eýrazııashyldyqqa salynyp, Astananyń ulttyq beınesin joǵaltyp almaý máselesin nazarda ustaý qajet - ıtalıandyq sáýletshi G. Talıaventı

Búgin Astanada álemniń ataqty sáýletshileri men Qazaqstannyń jetekshi buqaralyq aqparat quraldarynyń bas redaktorlarymen kezdesýi kezinde ıtalıandyq sáýletshi Gabrıele Talıaventı osyndaı pikir bildirdi, dep habarlaıdy QazAqparat.

Taǵy bir sheteldik sáýletshi Hıdjas bın Kastýrı, ıtalıandyq áriptesimen kelise otyryp, Batys pen Shyǵystyń elementterin qoldanbaı, qalanyń damýyna bastar joldy tabý qıyn ekendigin de atap kórsetti. «Sebebi, Batysta jańa tehnologııa bar. Tehnologııanyń ózi órkendeýge jol ashatyn quraldardyń eń negizgisi», deıdi ol. «Degenmen, elorda qurylysynda tehnologııadan bólek, ulttyq estetıka men mádenıettiń damýy qatar júrýi tıis», dep aǵynan jaryldy H. Kastýrı.

Astanaǵa saparmen kelgen reseılik sáýletshi ıÝrıı Platonov, malaızııalyq maman Hıdjas bın Kastýrı jáne Italııa eliniń qala salýshysy Gabrıele Talıaventı, QR Prezıdenti janyndaǵy Astananyń Sáýletshiler keńesiniń jumysyna qatysqan bolatyn. Olar elordada salynýy tıis birqatar nysandardyń sáýlettik jobalarymen tanysty. Jalpy keńes qaraýyna 83 joba men syzbalar kelip tústi. Olardyń arasynan eń úzdik degen eńbekter tańdalyp alyndy.

Óz jobalaryn usynǵandardyń qatarynda otandyq sáýletshilermen qatar, Japonııa, Italııa, Gollandııa, Belgııa, Lıtva, Reseı, Túrkııa, Qyrǵyzstan, Ýkraına, Armenııa memleketterinen 22-ge jýyq sheteldik mamandar bar.

Astana qalalyq Sáýlet jáne qala qurylysy basqarmasynyń bastyǵy, Prezıdent janyndaǵy Elorda sáýleti keńesiniń hatshysy Sársembek Júnisovtiń aıtýynsha, baıqaýǵa qatysqan sáýletshilerge qoıylatyn basty talaptardyń biri - jobalarda ulttyq naqysh, halyqtyq beıneniń bolýy. Sondyqtan da keńes músheleri osy talaptarǵa saı keletin jumystarǵa basymdylyq berdi.