Jahandaný standarttarǵa baılaý jolymen júrmeýi kerek - "Daǵdarystan keıingi álem ınstıtýty" qorynyń dırektory
ALMATY. Sáýirdiń 14-i. QazAqparat /Erlik Erjanuly/ - Jahandaný standarttarǵa baılaý jolymen júrmeýi kerek. Bul búgin Almatyda ótip jatqan táýekel menedjmenti týraly 6-shy halyqaralyq konferentsııada aıtyldy,
dep habarlaıdy QazAqparat.
"Jahandanýda árbir eldiń barlyq saıası, ekonomıkalyq, dinı, áleýmettik damý erekshelikteri eskerilýi tıis. Ǵalamdanýdyń ózi kópólshemdi bolý kerek. Qazir lıberaldy emes dogma men memlekettiń róli qaıta qaralýda", deıdi "Daǵdarystan keıingi álem ınstıtýty" qorynyń dırektory Ekaterına Shıpova. Mamandardyń paıymdaýynsha, memleket ekonomıkaǵa kirýi qajet. Ol ishki naryqty uıymdastyrýy kerek. Mundaǵy negizgi maqsat ishki naryqty damytý. Bul bolashaq daǵdarystar úshin qaýipsizdik jastyǵy bolady.
"Aldaǵy daǵdarys taǵy da búkil álemdi qamtıdy. Ol taıaý 20 jyldyń ishinde oryn alady. Sarapshylardyń 40 paıyzy daǵdarystyń negizgi tolqyny alda, ol qarjylyq ne ekonomıkalyq emes, órkenıetti jáne geosaıası sıpatta bolady. Bul daǵdarys kapıtalızmniń qazirgi modeliniń daǵdarysy", deıdi Ekaterına Shıpova.
