Jahandaný mádenıetin tanýda mádenı qundylyqtardy saqtaı otyra, qatań shekara ornatý kerek - Kırıll Razlogov
ALMATY. Aqpannyń 24-i. QazAqparat /Názıra Eleýhan/ - Eger sen ulttyq mádenıettiń qurylysymen aınalyssań, «Álemde ár túrli mádenıet bar, elimde ózimniń ulttyq mádenıetim bar deı otyra, ulttyq mádenıetińdi qorǵaı bilýiń kerek». Álemdegi mádenı alýantúrlikti tanýda memlekettik mádenı qundylyqtardy saqtaı bilý kerek.
Bul týraly búgin TMD elderindegi mádenı saıasattyń strategııalaryn talqylaýǵa arnalǵan «Taǵylym» mádenı-ıntellekýaldyq klýbynyń kezekti otyrysy barysynda Reseı Mádenıettaný ınstıtýtynyń dırektory, ónertaný ǵylymdarynyń doktory Kırıll Razlogov málim atap ótti, dep habarlaıdy QazAqparat.
Onyń aıtýynsha, Reseı ulttyq ıdeıany qurýda. «Bizdiń ulttyq mádenıetimiz bar jáne biz ony qalyptastyryp kelemiz. Onyń mindeti - múmkindiginshe ishtegi ár túrlilikti joıyp, syrtqy álemge qarsy qatań shekara ornatý bolyp tabylady», dedi Kırıll Razlogov. Onyń aıtýynsha, qazirgi mádenı ahýal barlyq eýropalyq elder aımaqtyq jáne jergilikti deńgeılerde ǵana emes, sonymen birge ulttyq sýbmádenıet bolyp qalyptasyp jatyr. «Bul úrdis eýropalyq shekaradan asyp, postkeńestik memleketterge jaıylýda. Qazir dıversıfıkatsııa júrip jatyr. Bizdi bir jaǵynan jahandaný biriktirse, ekinshi jaǵynan dıversıfıkatsııa bóledi. Búgingi zamandaǵy jaǵdaıda sýbmádenıetter kóp bolýda. Oǵan ınternet pen teledıdar áser etýde. Internet pen teledıdar ǵalamdyq buqaralyq mádenıetti qalyptastyrýda. Ǵalamtor arqyly búgingi ár adam ár túrli qaýymdastyqqa kirip, aralasýda», dedi mádenıettanýshy Kırıll Razlogov.
