Jaǵdaıy tómen otbasylarǵa sý qubyry tegin tartyldy - Aqmola oblysy
KÓKShETAÝ. QazAqparat - Aqmola oblysynyń Astrahan aýdanyndaǵy uzaq jyldar boıy tirshilik nərine zərý bolyp kelgen Kamenka aýylyna sý qubyry tartyldy, dep habarlaıdy QazAqparat tilshisi.
Təýelsizdik merekesi qarsańynda Aqmola oblysynyń Astrahan aýdanyndaǵy uzaq jyldar boıy tirshilik nərine zərý bolyp kelgen Kamenka aýylynda «Aq bulaq» baǵdarlamasy boıynsha salynǵan sý qubyryn iske qosý saltanaty sharasy ótti.
Aýdan ortalyǵynan 51 shaqyrym qashyqtyqta ornalasqan Kamenka aýylynda 500-den astam turǵyny bar. Aýyl qurylǵan Keńestik dəýirden beri tirshilik nərin tasyp ishti. Sońǵy jyldary aýyz sý Rodına aýylynan tasymaldanyp keldi. Endi aýylda aýyz sý məselesi oń sheshilip otyr.
Saltanatty sharaǵa aýdan ákimi Nurlan Seıilov qatysyp, aýyl turǵyndaryn kópten kútken qýanyshtarymen quttyqtady.
Aýdan ákiminiń sózine qaraǵanda, Kamenka aýylyna sý qubyryn tartý sharalary «Aq bulaq» baǵdarlamasy, keıin «Óńirlerdi damytý» baǵdarlamasyna engizildi. Osynyń nətıjesinde aǵymdaǵy jyly bıýdjetten 400 mıllıon teńgeden astam qarjy bólindi. Bul qarjyǵa aýyldyń ár kóshesine qazirgi zaman tehnologııa boıynsha avtomattandyrylǵan sý qubyrlary tartylyp, turǵyn úıler men áleýmettik nysandardyń ishine sý kirgizildi.
Əleýmettik jaǵynan az qamtylǵan otbasylar men əleýmettik nysandardyń ishine sý qubyryn merdigerler tegin tartyp berdi.
