Jaǵdaıy jaqsy, aıazǵa tózimdi – Balqashqa ákelingen jolbarystar qalaı tirshilik etýde
ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev Qazaqstanǵa Nıderlandydan jetkizilgen jolbarystardyń alǵashqy qysy qalaı ótip jatqanyn aıtyp berdi.
Mınıstr elimizdiń aýmaǵyndaǵy eń sońǵy jabaıy jolbarys 1948 jyly tirkelgenin atap ótti.
– Turan jolbarysy Reseıdegi Amýr nemese Ýssýrıı jolbarysynyń tuqymdasy bolyp keledi. Álemde jolbarystar Ońtústik-Shyǵys Azııany, Úndistan, Shrı-Lanka, Nepaldy mekendeıdi, alaıda dál reseılik Amýr jolbarysy aıazǵa tózimdi keledi. ıAǵnı aıazǵa shydamaıdy degen qaýip joq. Qazirgi ýaqytta olar volerde tirshilik etýde, jaǵdaılary óte jaqsy, salmaq qosqan, aıyna 1-2 ret jolbarystyń jaǵdaıy jeke ózime baıandalady, - dedi mınıstr Úkimet úıinde ótken baspasóz máslıhatynda.
Sonymen birge, tilshiler Qazaqstandaǵy jolbarystar qashan kóbeıetinin surady.
– Tabıǵatta olar 1,5-2 jyl saıyn balalaıdy. Biz de shamamen 2025-2026 jyldary alǵashqy alandardy qolǵa alamyz dep boljap otyrmyz. Olar taǵy 1,5-2 jyl beıimdeýden ótip, tabıǵı ortaǵa jiberiledi, – dep jaýap berdi Ekologııa mınıstri.
Aıta keteıik, jolbarystardy tarıhı mekenine qaıta jersindirý baǵdarlamasy aıasynda Almaty oblysynda Іle-Balqash memlekettik tabıǵı rezervaty quryldy.
Jolbarystyń tabıǵı azyq qoryn qaıta qalpyna keltirý úshin 2018-2024 jyldary rezervat aýmaǵyna 205 toǵaı buǵysy ákelindi, 100-den astam qulan kóshirildi, elikter men qabandar popýlıatsııasy kóbeıtildi.
Bıyl kúzde Іle-Balqash rezervatynda arnaıy torly qorshaýda ósirý úshin Nıderlandydan 2 jolbarys ákelindi. Al 2025 jyly Reseı Federatsııasynan 3-4 jolbarys alyp kelý kútilýde.