Jaǵdaıǵa naqty qaraýymyz kerek — Prezıdent ekonomıkanyń kómirsýteksiz sektoryn keńeıtý jaıynda
ASTANA. KAZINFORM — Prezıdent Qasym-Jomart Toqaev qatarlyq Al Jazeera telearnasyna eksklıýzıv suhbat berdi.
Al Jazeera: Siz 2029 jylǵa qaraı Qazaqstan ekonomıkanyń kómirsýteksiz sektoryn keńeıtýdi murat etip otyrǵanyn aıttyńyz. Menińshe, qazirgi ýaqytta kómirsýtegi sektory Qazaqstan eksportynyń 50 paıyzdan astamyn quraıdy. Qalaı oılaısyz, 2029 jylǵa qaraı Qazaqstan eksportynyń negizin kómirsýtegi emes sektordyń quraýyna qol jetkize alasyz ba?
— Shynyn aıtý kerek, kómirsýtegi eksporty áli de bolsa bizdiń halyqaralyq naryqtaǵy saýda-sattyǵymyzdyń basym bóligin qurap otyr. Biz jaǵdaıǵa naqty qaraýymyz kerek. Men Qazaqstannyń 2060 jyly kómirtegi beıtaraptyǵyna qol jetkizgen elge aınalatynyn aıtqan edim. Meniń paıymdaýymsha, bul bizdiń ishki áleýetimiz ben múmkindigimizge negizdelgen shynaıy ári qoljetimdi baǵdarlama.
Eldiń ishki energııa tutynýynda kómirdiń úlesi 73 paıyzdy quraıdy. Biz bir sátte kómirden bas tarta almaımyz. Bul túsinikti jaǵdaı. Bizde munaı syndy tabıǵı resýrs bar. Ýran óndirýden álemde 1-orynda turmyz. Onyń 40 paıyzyn álemdik naryqqa Qazaqstan jetkizip otyr.
Buǵan deıin Memleket basshysy BUU Qaýipsizdik Keńesi daǵdarysqa ushyrap jatqanyn aıtty.