Jaǵdaı jaqsardy eken dep saqtyq erejelerin buzýǵa bolmaıdy - Baǵdat Qojahmetov
«Memlekettik deńgeıde qabyldanǵan sharalardyń naqty nátıjesi týraly aıtar bolsam, koronavırýs ınfektsııasynyń taralýy kúnnen kúnge tómendep keledi. Sáıkesinshe, medıtsınalyq mekemelerdiń júktemesi azaıyp jatyr. Salystyrmaly túrde aıtatyn bolsaq, 2020 jyldyń 15 shildesindegi jaǵdaı boıynsha elimizde provızorlyq emdeý oryndary men statsıonarlarda 17 798 tósek-oryn boldy. Ol kezdegi júkteme 57 paıyzdy quraǵan. Qazir aýrýhanalarda jatyn oryndardyń sany 37 myń, júkteme 29 paıyzǵa deıin azaıdy. Qýanyshtysy, keıbir óńirlerde naýqastar túgel jazylyp shyǵyp, aýrýhana bos turǵan jaǵdaılar bar», - dedi ol Ortalyq kommýnıkatsııalar qyzmetindegi brıfıng barysynda.
Máselen, resmı ókildiń aıtýynsha, Túrkistan oblysynyń Ordabasy aýdanyndaǵy ınfektsııalyq bólim qazirgi ýaqytta bos tur. ıAǵnı, Ordabasy aýdanynda koronavırýs indetimen aýyryp jatqan naýqas joq.
«Al jedel járdemge túsetin habarlamalar kólemi aımaqtarda aıtarlyqtaı azaıǵan. Ótken aptada Densaýlyq saqtaý vıtse-mınıstri Ajar Ǵınaıat halyq eń kóp shoǵyrlanǵan Shymkentke jumys saparmen baryp keldi. Onda 5 aptanyń ishinde aýrýhanalardaǵy emdelýge arnalǵan jatyn oryndardyń júktemesi 60 paıyzǵa deıin tómendegen. Mundaı jaǵymdy nátıjeler elimizdiń barlyq óńirinde baıqalady. Biraq, jaǵdaı jaqsardy eken dep saqtyq erejelerin buzýǵa bolmaıdy», - dedi Baǵdat Qojahmetov.