«Jaǵdaı baqylaýda»: Almaty TJD jer silkinisine qatysty málimdeme jasady
ALMATY. KAZINFORM — Almaty qalasynyń Tótenshe jaǵdaılar departamenti jer silkinisine baılanysty málimdeme jasap, qala turǵyndary men qonaqtaryn sabyr saqtaýǵa shaqyrdy.
TJD málimetinshe, jaǵdaı baqylaýda.
— Qurmetti Almaty qalasynyń turǵyndary men qonaqtary! Jer silkinisi sezildi. Seısmologııa mamandary jer silkinisiniń oshaǵy men qarqyndylyǵyn anyqtap jatyr. Tıisti memlekettik organdarǵa habar berildi. Aqparat tolyqtyrylady. Sabyr saqtap, úreıge berilmeńizder! Tek resmı aqparat kózderine ǵana senińizder, — dedi Almaty TJD Josparlaý jáne jedel basqarý ortalyǵynyń jedel kezekshi bólim bastyǵy Batpasov Ergen.
TJM «Ulttyq seısmologııalyq baqylaý jáne zertteý ǵylymı ortalyǵy» JShS málimetinshe, jer silkinisi 28 qyrkúıek saǵat 09:38:07-de tirkelgen. Epıtsentri Almaty qalasynan ońtústik-batysqa qaraı 8 shaqyrym jerde ornalasqan.
Jer silkinisiniń qarqyny:
* Almatyda — 3–4 ball;
* Qaskeleńde — 2–3 ball;
* Boraldaıda — 2–3 ball;
* Ótegen batyrda — 2 ball.
Eske salsaq, Almatyda jer silkinisiniń kúshi 4 balǵa jýyqtaǵany habarlandy.
