Jaǵajaılardaǵy qaýipsizdik: 24 quqyq buzýshy jaýapqa tartyldy
AQTAÝ. KAZINFORM — Mańǵystaý oblysynyń prokýratýrasy jaǵajaılardaǵy qaýipsizdikke baqylaýdy kúsheıtti.
Prokýratýranyń bastamasymen ýákiletti organ azamattardyń jáne kámelet jasqa tolmaǵandardyń qaýipsizdigin qamtamasyz etý maqsatynda jeke jáne kommýnaldyq jaǵajaılarǵa tekserý júrgizdi.
Tekserý nátıjesinde 24 sýbekt Ákimshilik quqyq buzýshylyq týraly Kodekstiń 412-baby boıynsha (sý aıdyndarynda qaýipsizdik erejelerin buzý nemese saqtamaý) ákimshilik jaýaptylyqqa tartyldy.
Qala turǵyndary men qonaqtarynyń demalýy úshin qolaıly jáne qaýipsiz jaǵdaı jasaý maqsatynda «Soldatskıı» kommýnaldyq jaǵajaıy zańnama talaptaryna sáıkestendirildi.
Jalpy azamattardyń jáne kámelet jasqa tolmaǵandardyń qaýipsizdigin qamtamasyz etý maqsatynda jergilikti bıýdjetten 37 mln teńge bólindi (qutqarý beketin salýǵa 24 mln teńge, 15 qutqarýshynyń jumysyn uıymdastyrýǵa 13,5 mln teńge).
Aıta ketelik pavlodarlyq qutqarýshylar budan bylaı jaǵajaıdaǵy qaýipsizdikti dronmen baqylaıtyny týraly jazǵan edik.
