Jaǵajaıdaǵy Azııa oıyndary pandemııaǵa baılanysty ekinshi ret keıinge shegerildi
NUR-SULTAN. QazAqparat - Azııa Olımpıadalyq Keńesi Qytaıdyń Sanıa qalasynda ótetin 6-shy Azııa jaǵajaı oıyndary 2021 jyly 2-10 sáýirde keıinge qaldyrylǵanyn habarlady, dep habarlaıdy olympic.kz.
AOK 30 jeltoqsanda búkil álemdegi COVID-19 pandemııasyna baılanysty jaǵdaı, saıahatqa shekteýler men kontınent boıynsha medıtsınalyq hattamalar osyndaı sheshimge ákeldi dep málimdeme jasady. Azııa jaǵajaı oıyndarynyń jańa kúnderi múddeli taraptardyń birlesken konsýltatsııalarynan keıin anyqtalady.
Dodany uıymdastyrý komıteti keıinge qaldyrýǵa kelisim alý úshin barlyq Basqarma múshelerimen keńesip, biraýyzdan sheshim qabyldady. Mundaı sheshim AOK Atqarýshy keńesiniń sheshimi Azııa Olımpıadalyq Keńesi, Qytaı Olımpıadalyq Komıteti jáne Sanıadaǵy Azııa jaǵajaı oıyndary Uıymdastyrý komıteti (SABGOC) arasyndaǵy tereń talqylaýdan keıin qabyldandy.
Sheshim barlyq tıisti UOK-tardyń jalpy múddelerine qyzmet etýge jáne sportshylar men barlyq qatysýshylardyń qaýipsizdigi men densaýlyǵyn qamtamasyz etýge arnalǵan. Azııanyń Olımpıadalyq keńesi jaǵdaıdy baqylaýdy jalǵastyrady jáne barlyq múddeli taraptarmen kelesi máseleler boıynsha tyǵyz jumys isteıdi jáne 6-shy Azııa jaǵajaı oıyndarynyń bolashaǵy týraly sheshim qabyldaıdy.
Aıta keterligi, oıyndar bastapqyda 2020 jyldyń 28 qarashasy men 6 jeltoqsanyna josparlanǵan. Alaıda, pandemııaǵa baılanysty 2021 jyldyń sáýirine aýystyryldy.
