Jaǵajaıdaǵy Azııa oıyndary: Sý dobynan Qazaqstan quramasy kezekti ret jeńiske jetti
ASTANA. KAZINFORM – Qazaqstan áıelder quramasy sý dobynan Qytaıdyń Sanıa qalasynda ótip jatqan 2026 jylǵy jaǵajaıdaǵy Azııa oıyndarynda ekinshi jeńisine qol jetkizdi.
Bul joly Qazaqstan quramasy Gonkong komandasyna qarsy kezdesý ótkizdi.
Birinshi kezeńde qazaqstandyq sportshylar 2:0 esebimen alǵa shyqty. Ekinshi taımda da basymdyq saqtalyp, esep 3:1 boldy.
Úshinshi kezeńde Gonkong komandasy 4:2 esebimen jeńiske jetti. Al, sheshýshi taımda Qazaqstan quramasy qaıtadan basymdyq tanytyp, 3:1 esebimen jeńdi.
Match qortynydysy boıynsha oıyndy 3:1 esebimen túıindegen Qazaqstan quramasy týrnırdegi ekinshi jeńisin tirkedi. Buǵan deıin olar Taıland quramasyn jeńgen bolatyn.
24 sáýirde Qazaqstan quramasy týrnırdiń sheshýshi matchynda Qytaı komandasymen sheberlik baıqasady.
Aıta ketý kerek, 2026 jylǵy jaǵajaıdaǵy Azııa oıyndarynda áıelder arasyndaǵy sý doby jarysyna tórt komanda qatysyp jatyr. Týrnır aınalmaly júıe boıynsha ótedi, ıaǵnı ár komanda bir-birimen kezdesedi. Júldegerler barlyq matchtyń qorytyndysy boıynsha anyqtalady.
