Jaǵajaıdaǵy Azııa oıyndary: Sý dobynan Qazaqstan áıelder quramasy kúmis júlde aldy

Áıelder arasyndaǵy týrnırge tórt komanda qatysty: Qazaqstan, Qytaı, Taıland jáne Gonkong. Jarys aınalmaly júıe boıynsha uıymdastyrylyp, ár komanda bir-birimen kezdesti.

Sońǵy kezeńge deıin Qazaqstan men Qytaı quramalary eki ret jeńiske jetken. Sondyqtan altyn medal úshin sheshýshi match osy eki komanda arasynda ótti.

Aýa raıynyń qolaısyzdyǵyna baılanysty uıymdastyrýshylar sheshýshi kezdesýdi keıinge qaldyryp, ony jabyq ǵımaratta ótkizdi.

Match tartysty ótti. Qytaı komandasy úsh kezeńde basym túsip, al Qazaqstan quramasy bir kezeńde ǵana jeńiske jetti. Sonyń nátıjesinde esep 3:1 Qytaıdyń paıdasyna boldy.

Qazaqstandyq sportshylar osylaısha ekinshi orynǵa ıe bolyp, el qorjynyna jaǵajaıdaǵy Azııa oıyndarynyń besinshi júldesin saldy. Sanıadaǵy jarysta el namysyn Arıadna Zatylnıkova, Kamıla Naýryzbaeva, Taıra Mýhaeva, ıAna Smolına, Vasılısa Antropova, Fatıma Matkarımova jáne Aıda Alpysbaı qorǵady.

Eske salsaq, buǵan deıin Qazaqstan djıý-djıtsýdan jaǵajaıdaǵy Azııa oıyndarynda 4 medal enshilegenin habarlaǵan edik.