Jaǵajaıdaǵy Azııa oıyndary: qazaqstandyq sportshylardyń tolyq jarys kestesi shyqty
ASTANA. KAZINFORM – 2026 jylǵy jaǵajaıdaǵy Azııa oıyndary Sanıa qalasynda 22 sáýir kúni resmı túrde bastalady. Qazaqstan quramasy qurlyqtyq dodada 9 sport túri boıynsha synǵa túsedi. Ulttyq olımpıadalyq komıtettiń málimetinshe, jarys kúntizbesi Astana ýaqytymen usynylady.
22 sáýir: Alǵashqy oıyn jáne ashylý saltanaty
Jarystyń shymyldyǵy Sý dobynan Qazaqstan áıelder quramasy men Taıland quramasy arasyndaǵy oıynmen ashyldy. Qos komanda arasyndaǵy oıyn 06:30-da bastaldy.
Aıta keteıik, bul kezdesýde otandastarymyzdyń mereıi ústem boldy.
Endi keshki saǵat 17:00-de jaǵajaıdaǵy Azııa oıyndarynyń saltanatty ashylý rásimi ótedi.
23 sáýir: Alǵashqy júldeler sarapqa salynady
Bul kúni birden birneshe sport túrinen fınaldyq kezdesýler ótedi.
Akvatlonnan erler (05:00) jáne áıelder (06:30) arasynda júldeler sarapqa salynady. Qazaqstan sapynan Daryn Qonysbaev, Aleksandr Ten, Ramazan Áınegov, Aıda Kım, Dıana Erjanova jáne Alýa Nurmuhamet jarys jolyna shyǵady.
Djıý-djıtsýdan irikteý jáne fınaldyq kezeńder ótedi (06:00, 11:30). Bul synda Jibek Qulymbetova, Ajar Salyqova, Mansur Habıbýlla jáne Batyr Teńizbaı el namysyn qorǵaıdy.
Sonymen qatar jaǵajaı voleıboly (06:00), jelkendi sport (08:00) jáne sý dobynan Qazaqstan – Gonkong kezdesýi (13:15) josparlanǵan.
24 sáýir: Djıý-djıtsý jáne toptyq kezeńniń jalǵasy
Erler arasyndaǵy djıý-djıtsý jarystary (06:00, 11:30) ótedi. Qatysýshylar qatarynda Nurjan Batyrbekov, Álınur Qýatuly, Seıilhan Bolatbek jáne Adlan Madaev bar.
Jaǵajaı voleıboly men jelkendi sporttaǵy jarystar jalǵasady.
Sý doby boıynsha áıelder quramasy sońǵy toptyq oıynyn Qytaıǵa qarsy ótkizedi (14:00).
25 sáýir: Komandalyq saıystar kúni
Akvatlonnan aralas estafeta (05:00) ótedi.
Ashyq sýda júzýden áıelder arasynda 5 shaqyrymdyq fınalda Marııa Fedotova men Darıa Pýshko baq synaıdy (06:00).
3×3 basketboldan Qazaqstan quramasy Qytaı, Úndistan jáne Qatar komandalarymen kezdesedi (08:00, 14:35, 15:50).
Sý dobynan erler quramasy Taılandpen oınaıdy (12:15).
26 sáýir: Ashyq sý jáne sý doby
Erler arasynda 5 shaqyrymǵa ashyq sýda júzý fınaly ótedi (06:00). Qazaqstan atynan Lev Cherepanov pen Ǵalymjan Balabek qatysady.
Sý doby boıynsha erler quramasy Gonkongpen kezdesedi (13:30).
27 sáýir: Shırek fınaldar kezeńi
Aralas estafeta (ashyq sýda júzý) – 06:00.
Jaǵajaı voleıbolynan shırek fınaldar bastalady (06:00).
3×3 basketbolda Qazaqstan Qatar jáne Bahreın quramalarymen kezdesedi (08:00, 10:30).
Sý doby boıynsha Qazaqstan – Iran matchy ótedi (13:30).
28 sáýir: Sheshýshi kezeńderge jol
Jaǵajaı voleıbolynan jartylaı fınaldar (06:00).
Jaǵajaı kúresi (07:00) men sporttyq quzǵa órmeleý jarystary (07:45 bastap) bastalady.
3×3 basketbol, jelkendi sport jáne sý doby boıynsha (Qazaqstan – Qytaı, 15:00) kezdesýler ótedi.
29 sáýir: Júldeler sarapqa salynady
Jaǵajaı voleıbolynan altyn jáne qola júlde úshin matchtar (06:00).
Sporttyq quzǵa órmeleýden estafeta (07:00, 17:00).
Jaǵajaı kúresi (07:00) men 3×3 basketboldan sheshýshi oıyndar (11:00) ótedi.
Sý doby boıynsha Qazaqstan – Ońtústik Koreıa kezdesýi josparlanǵan (13:15).
30 sáýir: Jabylý saltanaty
Jaǵajaıdaǵy Azııa oıyndarynyń resmı jabylý rásimi ótedi.
Aıta keteıik, uıymdastyrýshylar jarys kestesine ózgerister engizýi múmkin. Qazaqstan quramasy úshin negizgi medal úmiti akvatlon, djıý-djıtsý, jaǵajaı kúresi jáne
3×3 basketbol syndy sport túrlerimen baılanysty bolyp otyr.
