Jaǵajaıdaǵy Azııa oıyndary: Qazaqstan kúresten júldesiz qaldy
ASTANA. KAZINFORM – Qazaqstannyń ulttyq quramasy jaǵajaı kúresinen Qytaıdyń Sanıa qalasynda ótip jatqan 2026 jylǵy Azııa oıyndarynda jarysty aıaqtady.
Qazaqstan atynan úsh sportshy júlde úshin synǵa túskenimen, olardyń eshqaısysy medalǵa qol jetkize almady.
80 kelige deıingi salmaqta Ermahan Kóshkinbaev qola júlde úshin ótken kezdesýde qytaılyq Fen Lýqa qarsy 0:2 esebimen jeńildi.
Áıelder arasynda 70 kelige deıingi salmaqta Beıbit Seıdýáli qola júlde úshin úndistandyq Djasprıt Kaýrmen kezdesip, 0:1 esebimen jeńildi.
70 keliden joǵary salmaqta óner kórsetken Alına Ertóstik te qola júlde úshin ótken beldesýde qytaılyq Lı Ventszıge 0:1 esebimen jol berdi.
Aıta ketý kerek, buǵan deıin 29 sáýirde Qazaqstannyń sý dobynan jaǵajaı quramasy Azııa oıyndarynyń qola júldesin ıelengen bolatyn.
