Jaǵajaıdaǵy Azııa oıyndary: Qazaqstan akvatlonnan aralas estafetada 4-oryn aldy
ASTANA. KAZINFORM – 2026 jylǵy jaǵajaıdaǵy Azııa oıyndary Qytaıdyń Sanıa qalasynda ótip jatyr. Akvatlonnan Qazaqstan quramasy aralas estafetalyq jarysta tórtinshi orynǵa ıe boldy.
Bul jarys Qazaqstan komandasy úshin baǵdarlamadaǵy sońǵy syn boldy. Quramynda Dıana Erjanova, Ramazan Áınegov, Alýa Nurmuhamet jáne Daryn Qonysbaev bar komanda el namysyn qorǵady.
Birinshi kezeńde Dıana Erjanova 16 mınýt 44 sekýnd ýaqyt kórsetip, estafetany tórtinshi orynda tapsyrdy. Ekinshi kezeńde Ramazan Áınegov osy oryndy saqtap qaldy, onyń ýaqyty 15 mınýt 5 sekýnd boldy. Úshinshi kezeńde Alýa Nurmuhamet 17 mınýt 31 sekýndtaı ýaqyt jumsap, komandany besinshi orynda qaldyrdy. Qorytyndy kezeńde Daryn Qonysbaev 14 mınýt 51 sekýnd nátıje kórsetip, komandany qaıtadan tórtinshi orynǵa shyǵardy.
Jalpy esepte Qazaqstan quramasy 1 saǵat 5 mınýt 16 sekýnd kórsetkishpen jarysty tórtinshi orynda aıaqtady. Altyn medaldi Qytaı komandasy jeńip aldy – 1 saǵat 1 mınýt 44 sekýnd. Kúmis júlde Gonkong quramasyna buıyryp, olardyń ýaqyty 1 saǵat 2 mınýt 35 sekýnd boldy. Úshinshi oryn Japonııa komandasyna tıesili, olardyń nátıjesi 1 saǵat 3 mınýt 54 sekýndty qurady.
Eske sala keteıik, buǵan deıin jaǵajaıdaǵy Azııa oıyndarynda Sý dobynan Qazaqstan áıelder quramasy kúmis júlde alǵanyn jazǵanbyz.
