Jaǵajaıdaǵy Azıada oıyndary: Sý dobynan Qazaqstan erler quramasy Taılandtan basym tústi
ASTANA. KAZINFORM – 2026 jylǵy jaǵajaıdaǵy Azııa oıyndary aıasynda erler arasyndaǵy sý doby jarystary 25 sáýirde Qytaıdyń Sanıa qalasynda bastaldy.
Qazaqstan quramasy alǵashqy kezdesýinde Taıland komandasymen sheberlik baıqasty. Tórt kezeńniń nátıjesi boıynsha Qazaqstan komandasy 3:1 esebimen jeńiske jetti.
Aıta keteıik, jarystar Sanıa qalasynda aınalmaly júıe boıynsha uıymdastyrylǵan. Erler arasynda jalpy 6 komanda qatysyp jatyr.
Qazaqstan quramasy kelesi matchyn 26 sáýirde Gonkong komandasyna qarsy ótkizedi. El namysyn Temirlan Balfanbaev, Sultan Shonjigitov, Murat Shákenov, Edýard Tsoı, Rýslan Ahmetov, Aleksandr Eremın jáne Aldııar Ákimbaı qorǵaıdy.
Buǵan deıin habarlaǵanymyzdaı, jaǵajaıdaǵy Azııa oıyndarynda Qazaqstan akvatlonnan aralas estafetada 4-oryn aldy.
