Jaǵajaıda quny 13,5 myń dollarlyq saqına tapqan amerıkalyq ony ıesine qaıtardy
ASTANA. QazAqparat - Qazyna izdeýshi 13,5 myń dollardyń neke saqınasyn Nıý-Iork turǵynyna qaıtardy.
Erın Karotstso bir aı buryn jaǵajaıda gaýhar tasy bar saqınany abaısyzda joǵaltyp alǵan. Asyl zatyn taba almaǵan 41 jastaǵy áıel Facebook-tegi paraqshasynda saqınany tapqan adam ózinde qaldyrǵan bolar dep jazdy.
Metall izdeýshi qurylǵynyń kómegimen bul saqınany 68 jastaǵy Maık Kogan tapqan. Qazyna izdeý onyń hobbıi bolatyn. Zeınetker tapqanynyń sýretin Facebook arqyly jarııalaǵan. Muny áıeldiń dostary kóripti.
Karotstso birden Koganmen baılanysyp basynan ótken jaǵdaıdy baıandaǵan. Jýyrda áıel jaǵajaıda Koganmen kezdesip, zeınetker oǵan saqınasyn qaıtardy, dep jazdy Lenta.ru.
