Jaǵajaı voleıbolynan "Úlken dýlyǵa" álemdik týrynyń Máskeý kezeńinde qazaqstandyqtar alǵashqy jeńilistiń dámin tatty
ALMATY. Maýsymnyń 11-i. QazAqparat /Erlik Erjanuly/ - Jaǵajaı voleıbolynan "Úlken dýlyǵa" álemdik týrynyń Máskeýde ótip jatqan kezeńinde búgin qazaqstandyq sportshylar álemdik reıtıngte 1-shi oryndaǵy amerıkandyq qarsylastaryna ese jiberdi,
dep habarlaıdy QazAqparat QR Voleıbol federatsııasyna silteme jasap.
"Mamyrdyń 31-i kúni jarııalanǵan álemdik reıtıngte Aleksandr Dıachenko men Alekseı Sıdorenko juby 83-shi satyda bolǵan edi. Olar alǵashqy kezdesýde 16-shy orynda turǵan norvegııalyq Skarlýnd pen Spınnagrdiń jubyn 2:1 (14:21, 21:19, 15:11) esebimen utqan bolatyn. Búgin olar álemdik reıtıngtiń kóshbasshysy sanalatyn amerıkandyq Rogers pen Dalhaýsserge 1:2 (10:21, 21:15, 13:15) ese jiberdi. Olar búgin keshke endi amerıkandyqtardyń taǵy bir jubymen synǵa túspek. Bul jolǵy qarsylastary (Jennıngs-Keenan) álemdik reıtıngte 17-shi satyda tur. Júlde qory 300 myń dollardy quraıtyn bul dúbirli dodaǵa álemniń úzdik 64 jup oıynshysy qatysýda. Jeńimpazdardyń esimi dúısenbi kúni aqtyq synda belgili bolady.
