Jaǵajaı voleıbolynan Taılandaǵy Azııalyq týrda qazaqstandyq sportshylar jarystyń 2-kezeńine ótti
ALMATY. 13 sáýir. QazAqparat /Erlik Erjanuly/ - Taılandtyń Songhla qalasynda jaǵajaı voleıbolynan ótip jatqan Azııalyq týrda búgin barlyq komandalar bir kúndik demalys aldy.
Sáýirdiń 10-y kúni barlyq qarsylastaryn utqan qazaqstandyqtar dúısenbi kúni 2 kezdesýde jeńiske jetip, ekeýinde jeńilis tapty. Atap aıtqanda, Tatıana Mashkova men Irına Tsımbalovadan qurylǵan «Qazaqstan-1» komandasy «Avstralııa-1» komandasyna 0:2, Dmıtrıı ıAkovlev pen Alekseı Kýleshovten quralǵan «Qazaqstan-2» 1:2 esebimen ese jiberdi. Olardyń komandalas serikteri Baqytgúl Samalyqova men Marına Pılıpenko («Qazaqstan-2») Vetnamnyń 1-komandasynan 2:1, Aleksandr Dıachenko men Alekseı Sıdorenko («Qazaqstan-1») Indonezııanyń 2-komandasynan 2:0 esebimen basym tústi. Keshe qazaqstandyqtarǵa jarys kestesi boıynsha demalys kúni bolǵan edi. Endi búgin ózge komandalarmen birge taǵy bir kún tynyqqan soń, erteń olar týrnırdiń ekinshi kezeńinde saıysty odan ary jalǵastyratyn bolady. Jalpy bul baıraqty básekege Azııanyń 13 elinen erlerden - 24, áıelderden - 22 jup qatysqan bolatyn. Jarystyń júlde qory - 30 myń AQSh dollaryn quraıdy.
