Jaǵajaı voleıbolynan Polshada «Úlken dýlyǵa» serııasynyń kezeńdik jarysy ótip jatyr
ALMATY. 28 shilde. QazAqparat /Erlik Erjanuly/ - Jaǵajaı voleıbolynan Polshanyń Stare ıAblonıkı qalasynda «Úlken dýlyǵa» álemdik serııasyndaǵy sońǵy kezeńdik jarystardyń biri ótip jatyr. Shildeniń 25-i bastalǵan bul jarys jeksenbi kúni aıaqtalady.
Onda el namysyn erler men áıelder arasynda Alekseı Sıdorenko men Aleksandr Dıachenko jáne Irına Tsımbalova men Tatıana Mashkova qorǵap jatyr. Irına men Tatıana dárejelik syndaǵy alǵashqy oıynda súrinip, kanadalyq Elızabet Maloneı pen Hızer Bansleıge 0:2 (19:21, 16:21) esebimen ese jiberdi. Qyzdardyń esesin erler saıysynda Alekseı men Aleksandr qaıtardy. Olar Krıstıan Redmann men Ben Sakstondy 2:0 (21:17, 21:14) oısyrata utty. Al ekinshi oıynda gollandııalyq Daan Spııkers pen Emıl Boersmany 2:0 (21:16, 21:17) qapy qaldyrdy. Sonyń nátıjesinde endi olar jarystyń negizgi kestesinde «R» tobynda óner kórsetýge múmkindik aldy. Búgin alǵashqy oıynyn shvetsııalyq Patrık Hosher men Djeffreson Bellagýardamen, al erteń grýzııalyq Renato Gomes pen Djorj Tertseıromen kúsh synasatyn bolady. Jalpy bul baıraqty báseke 31 shildege deıin sozylmaq.
