Jaǵajaı voleıbolynan Óskemende ótken el chempıonatynyń 3-týrynda almatylyq jigitter jeńiske jetti
ALMATY. 23 shilde. QazAqparat - Óskemende 20-22 shilde kúnderi jaǵajaı voleıbolynan XVI Qazaqstan chempıonatynyń 3-týr oıyndary ótti.
Erler men áıelder arasyndaǵy bul baıraqty básekege 30-dan astam komandalar qatysty. Onda erler arasynda 1-2 oryndy Respýblıkalyq gvardııanyń ShVSM-1 (Sergeı Bogatý, Vladıslav Pýstynnıkov), ShVSM-2 (Kırıll Gýrın, Vıktor Pestov) komandalary ózara bólisti. Al alań qojaıyndarynyń «Shyǵys-QorǵasynQurylys-1» komandasy (Mıhaıl Ýstıpnov, Áset Ábetaev) úzdik úshtikti túıindedi. Áıelder arasyndaǵy dodada tuǵyrdyń úsh satysyna da Aqtaý qalasynyń «Kaspıı-1» (Baqtygýl Samalyqova, Lıýbov Bogatý), «Kaspıı-2» (Anna Eleferenko, Anastasııa Toqtareva), «Kaspıı-3»( Aleksandra Varassova, Ekaterına Lasıýta) komandalary ǵana kóterildi. Buǵan deıin ekinshi týr Almatyda, birinshi týr Aqtaýda ótken bolatyn.
