Jaǵajaı voleıbolynan qazaqstandyq jigitter Azııalyq týrdyń qola júldesin sarapqa salady
ALMATY. 15 sáýir. QazAqparat /Erlik Erjanuly/ - Jaǵajaı voleıbolynan Taılandtyń Songhla qalasynda ótip jatqan Azııalyq týrdyń erteń aqtyq oıyndary ótedi.
Onda el namysyn erler arasynda qorǵap jatqan «Qazaqstan-2» komandasy 3-oryn úshin «Indonezııa-1» komandasymen kezdesedi. Olardyń bul jolǵy qarsylasy Andı Ardııanshan men Fahrııansııah (Andy Ardiyansah-Fahriansyah) juby. Indonezııalyqtar úshin de qazaqstandyqtar úshin de bul saıystyń mańyzy óte zor. Óıtkeni Aleksandr Dıachenko men Alekseı Sıdorenkodan quralǵan «Qazaqstan-1» komandasy jarystyń alǵashqy kúni «Indonezııa-2» komandasyn 2:0 esebimen oısyrata utqan edi. Endi ındonezııalyqtar komandalastarynyń esesin qaıtarýǵa tyryssa, qazaqstandyqtar áripteseriniń jetistigin qaıtalaý úshin bar kúsh-jigerin salatyn bolady.
