Jaǵajaı voleıbolynan qazaqstandyq qyzdar Álem chempıonatynda úzdik ondyqtyń qataryna endi
ALMATY. 6 qyrkúıek. QazAqparat /Erlik Erjanuly/ - 31 tamyz ben 4 qyrkúıek aralyǵynda Kanadanyń Galıfaks qalasynda jaǵajaı voleıbolynan jastar arasynda Álem chempıoaty ótti.
Onda Baqtygúl Samalıkova men Marına Pılıpenko 9-oryn, Lıýbov Bogatý men Oksana Pılıpenko 29-oryn aldy. Aqtaý qalasynyń «Kaspıı» voleıbol klýbynyń tárbıelenýshileri sanalatyn Batygúl men Marına irikteý synynda Norvegııa jáne Nıderlandııa sportshylaryn utqan bolatyn. Negizgi synda Italııa, Kanada jáne Nıderlandııanyń taǵy bir jubyn qapy qaldyrdy. «D» tobynda ekinshi oryn alyp, jarystyń kelesi kezeńine ótken olar Álem chempıony atanǵan shveıtsarııalyq voleıbolshylarǵa ese jiberdi.
