Jaǵajaı voleıbolynan Qazaqstanda tuńǵysh ret ótetin «Aqtaý Invıteıshn» halyqaralyq týrnırine 5 eldiń sportshylar qatyspaq
ALMATY. 16 mamyr. QazAqparat - Aqtaýda 18-20 mamyr kúnderi jaǵajaı voleıbolynan erler komandalary arsynda І «Aqtaý ınveıteıshn» («Aktau Invitation») dep atalatyn Azııalyq halyqaralyq týrnır ótedi.
Qazaqstanda bıyl tuńǵysh ret tuıymdastyrylyp otyrǵan bul baıraqty básekege jarys qojaıyndarynan basqa Iran, Oman, BAÁ men Indonezııadan sportshylar qatysqaly otyr. Onda Qazaqstan-1 (Aleksandr Dıachenko/Alekseı Sıdorenko), Indonezııa (Darkýnkoro Koko/Hermava Ade), Iran-2 (Rýfı Rahman/Gholıpýr Bahman), BAÁ (Hassan Ahmad/Salem Mohamed) komandalary «A» tobynda óner kórsetedi. Al Iran-1 (Farýhı Parvız/Salah Ah-Mohammad), Qazaqstan-2 (Dmıtrıı ıAkovlev/Alekseı Kýsheshov), Qazaqstan-3 (Aleksandr Babıchev/Serik Sýpaǵalıev), Oman (Haıtam Alsheırekı/Ahmed Alhýsnı) «B» tobynda baq synamaq. Odan keıin bul synda úzdik shyqqandar qarsy topta tórtinshi oryn alǵandarmen, al ekinshi oryn alǵandar qarsy topta úshinshi oryn alǵandarmen jup quraıdy. Jeńilgender 5-7 orynǵa, al jeńgender jartylaı fınalda kezdesedi. Jarystyń fınaldyq oıyndary «Qazaqstan-Aqtaý» telearnasy arqyly translıatsııa jasalady dep josparlanýda.
