Jaǵajaı voleıbolynan Qazaqstan quramasynyń úzdikteri «Grand Slem» Álemdik týrynyń kezeńdik saıysynyń toptyq synynan ótti
ALMATY. 12 shilde. QazAqparat - Germanııanyń Berlın qalasynda jaǵajaı voleıbolynan «Grand Slem» Álemdik týrynyń Germanııadaǵy kezeńdik jarysy ótip jatyr.
10 shilde kúni bastalǵan bul báseke senbi kúni aıaqtalady. Shveıtsarııadaǵy kezeńdik jarysta 9-oryn alǵan Alekseı Sıdorenko men Aleksandr Dıachenko bul jarysty toptyq synnan bastaǵan bolatyn. Nıderdandy men AQSh sportshylarynan jeńilis tapqan olar, sheshýshi aqtyq kezdesýde chehtardan basym túsip, jarysty odan ári jalǵastyrýǵa múmkindik aldy.
Al komandalas dostary Alekseı Kýleshov pen Dmıtrıı ıAkovlev dárejelik 1-raýndta Norvegııa voleıbolshylaryn (2:1) utqanymen, 2-raýndta dál osyndaı eseppen ýkraınalyqtarǵa ese jiberdi.
Áıelder arasynda baq synaǵan Tatıana Mashkova men Irına Tsymbalova da norvegııalyq qurbylaryn 2:0 esebimen jeńgenimen, slovakııalyqtardan 0:2 bolyp jeńilis tapty. Sonyń nátıjesinde jarysty erte aıaqtaǵan bul eki jup 33-oryndy qanaǵat tutyp, reıtıngtik upaı qoryn 40 upaıǵa ǵana ulǵaıta aldy.
