Jaǵajaı voleıbolynan Iranda ótken jarysta qazaqstandyq komandalar 1-2 oryndy ózara bólisti
ALMATY. 9 naýryz. QazAqparat /Erlik Erjanuldy/ - 5-7 naýryzda Irannyń Kısh aralynda jaǵajaı voleıbolynan «Kısh Oýpen» Azııalyq týry ótti.
Oǵan 10 komanda qatysty. Onda el namysyn Alekseı Sıdorenko men Aleksandr Dıachenko jáne Dmıtrıı ıAkovlev pen Alekseı Kýleshov juptary qorǵady. Olar bul baıraqty básekede úzdik shyǵyp, 1-2 oryndy ózara bólisti. Buǵan deıin qazaqstandyq jaǵajaı voleıbolshylary 2-4 naýryz kúnderi osy aralda ótken Qurlyqaralyq kýboktyń 1-sýbaımaqtyq týrnırinde baq synaǵan bolatyn. Aýǵanstan, Iran jáne Qazaqstan komandalary arasyndaǵy bul dúbirli dodada Qazaqstan quramasy 2-oryn alyp, jarys qojaıyndarymen birge jarystyń kelesi kezeńine joldama aldy. Jalpy, bul baıraqty báseke 2012 jylǵy Olımpıada oıyndarynyń irikteý týrnıri sanalady.
