Jaǵajaı voleıbolynan Grand Slem álemdik týrynyń Avstrııadaǵy kezeńinde T.Mashkova men I. Tsımbalovanyń joly bolmady
ALMATY. 18 shilde. QazAqparat - Keshe Avstrııanyń Klagenfýrt qalasynda jaǵajaı voleıbolynan «Grand Slem» álemdik týrynyń (A1 Grand Slam presented by ERGO GS) kezeńdik jarysy bastaldy.
Onda áıelder arasynda el namysyn qorǵaǵan Tatıana Mashkova men Irına Tsımbalova juby dárejelik 1-raýndta jarys qojaıyndaryn 2:0 esebimen utqanymen, 2-raýndta reseılikterge dál osyndaı eseppen ese jiberdi. Sonyń nátıjesinde 33-oryn alyp, reıtıngtik qoryn 40 upaıǵa ǵana ulǵaıta aldy. Olar bıyl osymen «Grand Slem» úsh kezeńinde 2-dárejelik synda súrinip otyr.
22 shildege deıin sozylatyn bul básekede búgin endi erler arasyndaǵy saıystar bastalady. Onda el namysyn ulttyq quramanyń 1-2 nómirli sportshylary qorǵaıdy. Olar Alekseı Sıdorenko men Aleksandr Dıachenko, Alekseı Kýleshov pen Dmıtrııa ıAkovlev juptary. «Grand Slem» týrynyń Berlınde ótken sońǵy kezeńinde Alekseı men Aleksandr 9-shy, al Alekseı men Dmıtrıı 33-oryndy qanaǵat tutqan bolatyn.
