Jaǵajaı voleıbolynan «Grand Slam» álemdik týrynda Qazaqstan quramasy negizgi kezeńdi bastady
ALMATY. 9 qazan. QazAqparat - Brazılııanyń San-Paýlý qalasynda jaǵajaı voleıbolynan «Gran Slam» álemdik týrynyń kezeńdik jarysy ótýde. Búgin jarystyń negizgi kezeńiniń saıystary bastaldy.
Bul synda Alekseı Sıdorenko men Aleksandr Dıachenko Polsha sportshylarymen kezdesse, Tatıana Mashkova men Irına Tsımbalova AQSh jáne Brazılııa sportshylarymen 2 oıyn ótkizýde. Al keshe dárejelik 1-kezeńde ýkraındyqtarǵa 0:2 esebimen utylyp, 41-orynǵa taban tiregen Dmıtrıı ıAkovlev pen Alekseı Kýleshov reıtıngtik qorjynyna túsken 80 upaıdy qanaǵat tutty. Olar bıylǵy maýsymda jalpy 10 jarysqa qatysyp, 8 ret 41-inshi, 1 ret 25-inshi, 1 ret 17-inish oryn alyp, reıtıngtik qorjyndaryna 1050 upaı sala aldy.
Erteń endi el quramasynyń úzdikteri sanalatyn T.Mashkova men I. Tsımbalova nıderlandylyqtarmen, A. Sıdorenko men A.Dıachenko Pýerto-Rıko jáne Latvııa eliniń sheberlerimen kúsh synasatyn bolady.
