Jaǵajaı voleıbolynan el chempıonatynyń aqtyq synynda ulttyq qurama kóshbasshylary ózderiniń úzdik ekenin taǵy da dáleldedi
ALMATY. 16 qyrkúıek. QazAqparat - Taldyqorǵanda 13-15 qyrkúıek kúnderi jaǵajaı voleıbolynan XVII Qazaqstan chempıonatynyń aqtyq syny ótti.
Oǵan Astana, Almaty, Aqtaý, Taldyqorǵan jáne Shymkent qalalarynan 12 komanda qatysty. Bul jarysta áıelder arasynda Taldyqorǵannyń «Jetisý» (Tatıana Mashkova/ Irına Tsımbalova), erler arasynda Almatynyń «Ushqyn-Iskra-1» (Aleksandr Dıachenko/Alekseı Sıdorenko) jeńimpaz atandy. 2-3 oryndy áıelder arasynda Aqtaýdyń «Kaspıı-1» (Baqtygúl Samalyqova/Aleksandra Varasova), «Kaspıı-3» (Anastasııa Týktareva/Ekaterına Lasıýta), erler arasynda Almatynyń «ShVSM-QazNÝ-1»(Vladıslav Pýstynnıkov/Sergeı Bogatý) men Aqtaýdyń «Kaspıı-1» (Alekseı Kýleshov/Aleksandr Babıchev) komandalary ıelendi.
Buǵan deıin 24 mamyrda Aqtaýda óz jalaýyn kótergen el chempıonatynda áıelder arasynda - 9, erler arasynda - 15 komanda baq synaǵan edi. OndaAqtaýdyń «Kaspıı-1» (Aleksandra Varasova/Anastasııa Týktareva) men Almatynyń «Ushqyn-1» (Sergeı Shındov/Alekseı Sıdorenko) sportshylary jeńimpaz atandy. 14-16 maýsymda Almatyda ótken 2-týrda «Kaspıı-1» (Aleksandra Varasova/Anastasııa Týktareva) 15 komandanyń arasynan úzdik shyqty. Al almatylyq «KazNÝ-Dınamo-1» (Vladıslav Pýstynnıkov/SergeıBogatý) 22 komandanyń arasynan top jarǵan edi. 26-28 shildede Shyǵys Qazaqstan oblysyndayǵy Buqtyrmada bolǵan 3-týrda «Kaspıı-1» (Baqtygúl Samalyqova/Lıýbov Bogatý) 14 komandyń arasynan, «ShVSM KazNÝ-2» (Kırıll Gýrın/Vıktor Pestov) 21 komandanyń arasynan qara úzip shyqqan bolatyn.
