Jaǵajaı voleıbolynan áıelder arasyndaǵy ulttyq qurama Úndistanda ótip jatqan Chellendjer týryna qatysýda
ALMATY. Qyrkúıektiń 28-i. QazAqparat /Erlik Erjanuly/ - Búgin jaǵajaı voleıbolynan Úndistannyń Chennaı qalasynda Chellendjer týry bastaldy,
dep habarlaıdy QazAqparat QR Voleıbol federatsııasyna silteme jasap.
Onda el namysyn Tatıana Mashkova men Irına Tsımbalova jáne Inna Rahmatýlına men Lıýdmıla Isaevanyń juptary qorǵaıdy. Vasılıı Kýshtalov jattyqtyratyn ulttyq qurama úshin bul qarashanyń 12-28-i kúnderi Qytaıdyń Gýanchjoý qalasynda bolatyn XVI Azııa oıyndaryna daıyndyǵyn pysyqtaıtyn alǵashqy halyqaralyq týrnır bolmaq. Ol qazannyń 2-sine deıin sozylady. Odan keıin qazaqstandyqtar Indonezııada qazannyń 6-11-i kúnderi bolatyn Azııalyq Belıntýng Oýpen týryna, 11-16-sy kúnderi Azııalyq Bangka Oýpen týryna jáne qazannyń 20-24-i kúnderi Qytaıdyń Sanıa qalasyndaǵy Azııa chempıonaty men 26-31-i kúnderi osy qalada jalaýy kóteriletin SWATCH FIVB Álemdik týrynyń Sanıa Oýpen kezeńine qatysady. Al Azııa oıyndaryna daıyndyq qarashanyń 2-7-si kúnderi Taılandtyń Phýket qalasyndaǵy SWATCH FIVB Álemdik týrynyń Phýket Oýpen kezeńdik jarysymen aıaqtalmaq.
