Jaǵajaı voleıbolynan áıelder arasyndaǵy Qurlyqaralyq kýbokta qazaqstandyqtar óz tobynda 4-oryn aldy
ALMATY. 2 shilde. QazAqparat - Máskeýde 28 maýsym men 1 shilde aralyǵynda jaǵajaı voleıbolynan áıelder arasyndaǵy Qurlyqaralyq kýbok jarysy ótti.
Olımpıada oıyndarynyń 2 joldamasyn aqtyq synda Qytaı men Italııa quramalarynan 2:0 esebimen basym túsken Reseı men Nıderlandy sportshylary jeńip aldy. Al óz tobynda Nıderlandy, Meksıka, Reseıge 0:2 bop utylyp, Venesýelany 2:1, Mozambıkti 2:0 etip utqan qazaqstandyqtar 4-oryndy qanaǵat tutty. El namysyn bul dúbirli dodada buǵan deıin Qurlyqtyq kýbokta úzdik úshtiktiń qatparyna engen Tatıana Mashkova men Irına Tsymbalova, Baqytgúl Samalyqova men Lıýbov Bogatý qorǵaǵan bolatyn. Bul baıraqty básekege óz qurlyqtarynda úzdikter qatarynan kóringen 11 eldiń quramasy qatysqan bolatyn. Onda ekinshi topta Italııa, Qytaı, Shveıtsarııa, Ýrýgvaı men Kenııa sportshylary óner kórsetti.
