Jaǵajaı voleıbolynan Álem chempıonaty: Qazaqstannyń erler men áıelder quramalarynyń úzdikteri 17-shi orynǵa taban tiredi
ALMATY. 6 shilde. QazAqparat - Jaǵajaı voleıbolynan Polshanyń Stare-ıAblonkı qalasynda ótip jatqan Álem chempıonatyna qatysqan el quramasynyń sońǵy úmiti bolǵan Alekseı Sıdorenko men Aleksandr Dıachenko keshe 1/16 fınalda súrindi.
Bul synda Dıachenko men Sıdorenko jubynyń jolyn germanııalyq Bekermann men Ýrbatska kesti. Buǵan deıin áıelder quramasynyń úzdigi Tatıana Mashkova men Irına Tsımbalova da 1/16 fınalda fın qyzdaryna ese jiberip, 17-shi oryndy qanaǵat tutqan bolatyn. Al Dmıtrıı ıAkovlev pen Alekseı Kýleshov bolsa toptyq synnan óte almaı, 37-shi orynǵa taban tiregen edi.
Germanııa, Reseı, Polsha sportshylarymen «L» tobynda baq synaǵan Dıachenko men Sıdorenko 2-shi oryn alyp, 1/16 fınalǵa birden joldama alǵan bolatyn. Al Mashkova men Tsımbalova Gollandııa, AQSh, Paragvaı sportshylarymen «D» tobynda óner kórsetip, 3-shi oryn aldy. Olar 1/16 fınalǵa óz tobynda 3-shi oryn alǵan 12 komandanyń arasynda upaı kórsetkishi boıynsha sarapqa salynǵan 8 joldamanyń sońǵysyn ıelenip shyqqan bolatyn. Biraq álemdik reıtıngte ózderinen joǵary satyda turǵan qarsylastary aılasyn asyryp ketti.
