Jaǵajaı voleıbolynan Álem chempıonaty bastaldy
ALMATY. 1 shilde. QazAqparat - Búgin Polshanyń Stare ıAblonkı qalasynda jaǵajaı voleıbolynan Álem chempıonatynyń jalaýy kóterildi.
Oǵan erler arasynda da, áıelder arasynda da 48 komandadan qatysýda. Jalpy bul baıraqty básekege Qazaqstan bıyl tuńǵysh ret óz sportshylaryn qosyp otyr. Al buǵan deıin Gran-Prı týrnırlerinde sátti óner kórsetip, qajetti upaı qoryn jınaı alǵan jigitter ǵana baq synap kelgen bolatyn.
Osynaý Álem chempıonatynyń toptyq kezeńinde Alekseı Sıdorenko men Aleksandr Dıachenko juby Germanııa, Reseı jáne Polsha sportshylarymen «L» tobynda, Dmıtrıı ıAkovlev pen Alekseı Kýleshov Brazılııa, Avstrııa, Chehııa sportshylarymen «K» tobyna toptasty. Al Tatıana Mashkova men Irına Tsımbalova Gollandııa, AQSh jáne Paragvaı sportshylarymen birge «D» tobynda óner kórsetpek. Onda erler arasynda da, áıelder arasynda da 48 komanda 12 topqa jiktelip otyr. Bir aınalymdyq týrnırde 1/16 fınalǵa shyǵatyn úzdik 32 komanda anyqtalady. Onyń 24-i óz tobynda 1-2 oryn alǵandar bolsa, 8-i úzdik kórsetkishi boıynsha 3-shi oryn alǵandar arasynan irikteledi. Al Álem chempıonatynyń jeńimpazy men júldegerlerleriniń esimi 7 shildedegi aqtyq oıynda belgili bolady.
