Jaǵajaı voleıboly: Taılandtaǵy týrnırde qazaqstandyqtar shırek fınalǵa ótti
ASTANA. QazAqparat - Taılandtyń Satýn qalasynda jaǵajaı voleıbolynan álem chempıonatyna joldama beretin reıtıngilik týrnır jalǵasýda. Ekinshi jarys kúninen soń kelesi kezeńge ótken komandalar belgili boldy, dep habarlaıdy QazAqparat Olympic.kz-ke silteme jasap.
Sergeı Bogatý men Dmıtrıı ıAkovlev juby úshinshi matchta japondyqtardy utyp, shırek fınalǵa ótti. Olardyń búgingi qarsylastary - avstralııalyqtar.
Alekseı Sıdorenko men Aleksandr Dıachenko juby da ¼ fınalda baq synaıdy. Olar Jańa Zelandııa ókilderine qarsy oınamaq. Jańa Zelandııa sportshylary buǵan deıin qazaqstandyq Kýleshov/Babıchev jubyn utqan edi.
Áıelder arasynda Krıstına Jýk pen Elızaveta Eropkın qytaılyq qyzdardan utylyp, jarystan shet qaldy. B. Samalyqova men A. Rachenko, sondaı-aq, T. Mashkova men I. Tsımbalova juby da qarsylastaryna jol bergen. Alaıda, olar upaı sanynyń kóptigine baılanysty kelesi kezeńge ótti.
Baqytgúl men Alına qytaılyqtarmen, Tatıana men Irına taılandtyqtarmen kezdesedi.
