Jaǵajaı voleıboly: Álemdik týrdyń Reseıdegi kezeńdik jarysynda qazaqstandyq qyzdar 9-oryn aldy
ALMATY. 29 shilde. QazAqparat - Jaǵajaı voleıbolynan Reseıdiń Anapa qalasynda 23-28 shilde kúnderi ótken «Open» Álemdik týrynyń «Anapa Open» kezeńdik jarysyn qazaqstandyqtar sportshylar áıelder arasynda 9-shy,
erler arasynda 17-shi bolyp aıaqtady. Negizgi synnyń toptyq saıysynda «V» tobynda Reseı, Japonııa, Norvegııa eliniń ókilderin qapy qaldyrǵan Tatıana Mashkova men Irına Tsımbalova 1/8 fınalda brazılııalyqtarǵa 2:1 (21-19, 19-21, 15-9) esebimen utylyp qaldy. Sonyń saldarynan 9-oryndy qanaǵat tutyp, reıtıngtik qorjynyn 250 upaımen ǵana tolyqtyrdy.
Reseıdegi bul básekede toptyq saıysta «V» tobynda úshinshi oryn alǵan Dmıtrıı ıAkovlev pen Alekseı Kýleshov 17-orynǵa taban tiredi. Argentınalyqtardan ǵana basym túsip, Slovenııa, Venesýela, Germanııa sportshylarynan jeńilis tapqan olar óz qorjyndaryna 200 upaı qosty.Bul jerlesterimizdiń bıylǵy maýsymdaǵy eń joǵary nátıjeleri bolyp otyr.
