Jaǵajaı voleıboly: Álem chempıonatynyń 3-shi kúni qazaqstandyqtar jeńilistiń aşy dámin tatty
ALMATY. 4 shilde. QazAqparat - Jaǵajaı voleıbolynan Polshanyń Stare-ıAblonkı qalasynda ótip jatqan Álem chempıonatynda keshe Qazaqstan quramasynyń 3 komandasy da súrindi.
Máselen, toptyq syndaǵy aqtyq oıynyn ótkizgen Tatıana Mashkova men Irına Tsımbalova nıderlandylyqtarǵa 1:2 esebimen utylyp, «D» tobynda 3-shi oryndy qanaǵat tutty. Óz tobynda 1-2 oryndy enshilep 1/16 fınalǵa joldama alǵan 24 komandamen qatar endi kórsetkishi joǵary taǵy 8 komandaǵa qosymsha múmkindik berilmek. Qazaqstandyqtardyń onyń qataryna ený-enbeýi búgin belgili bolady.
Alǵashqy oıynda reseılikterden basym túsken Alekseı Sıdorenko men Aleksandr Dıachenko - polıaktardyń, al buǵan deıin brazılııalyqtarǵa ese jibergen Dmıtrıı ıAkovlev pen Alekseı Kýleshov avstrııalyqtardyń osal tusyn taba almady. Búgin endi toptyq syndaǵy sońǵy oıynyn Alekseı men Aleksandr - nemis, Dmıtrıı men Alekseı cheh sportshylarymen ótkizedi. Keshe óz qarsylasynan nemister 2:0 esebimen basym tússe, chehtar dál osyndaı eseppen jeńilis tapqan bolatyn.
