Jaǵajaı voleıbolshylary Taılandtaǵy Azııalyq týrdy sátti bastady
ALMATY. 9 sáýir. QazAqparat - Búgin Taılandtyń Nahon Shrı Tamarat qalasynda jaǵajaı voleıbolynan «Hanom Oýpen» Azııalyq týry bastaldy.
Oǵan erler arasynda - 29, áıelder arasynda - 20 komanda qatysýda. Úsh kúnge sozylatyn baıraqty básekede el namysyn erler men áıelder arasynda eki-ekiden tórt komanda qorǵaýda.
Jarystyń alǵashqy kúni erler men áıelder synynda «Qazaqstan-1» komandalary (Alekseı Sıdorenko men Aleksandr Dıachenko, Tatıana Mashkova men Irına Tsımbalova) eki kezdesýden ótkizip, onyń bárinde jeńiske jetti. Al «Qazaqstan-2» komandasynan Dmıtrıı ıAkovlev pen Alekseı Kýleshov 3 kezdesý ótkizip, onyń bireýinde ǵana jeńilis tapty. Al Baqtygúl Samalyqova men Lıýbov Bogatý 1 kezdesý ótkizip, ony 2:0 esebimen óz paıdasyna sheshti. Qazaqstandyq sportshylar erteń jarysty odan ári jalǵastyrady. Eger bul syndy súrinbeı ótse, sársenbi kúni jartylaı jáne aqtyq fınalda júldeli oryndar sarapqa salynady.
Qazaqstan voleıbol federatsııasynyń baspasóz qyzmetiniń habarlaýyna qaraǵanda, olar bul jarystan keıin osy elde ótetin taǵy bir Azııalyq týrǵa qatysady. «Samıla Oýpen» dep atalatyn baıraqty báseke Songkhla qalasynda ótedi.
