Jaǵajaı voleıbolynan Azııa chempıonaty: qazaqstandyqtardyń nátıjesi qandaı
ASTANA. KAZINFORM — Shanloda (Qytaı) jaǵajaı voleıbolynan Azııa chempıonaty bastaldy. Qurlyqtyq birinshilikte Qazaqstan quramasynyń juptary alǵashqy oıyndaryn ótkizdi.
Erler arasynda Sergeı Bogatý men Kırıll Gýrın D tobynda óner kórsetip jatyr. Alǵashqy oıynda qazaqstandyqtar ırandyq Abolhassan Hakızade men Amır Alı Galenovıden 0:2 (13:21, 15:21) esebimen jeńildi. Ekinshi kezdesýde Bogatý men Gýrın Oman ókilderi Mazın Al-Hashmı men Hýd Al-Djalabýbıdi 2:0 (21:12, 21:18) esebimen utty.
E tobynda óner kórsetip jatqan Dmıtrıı ıAkovlev pen Abdýlmajıd Mohammad eki kezdesýde de jeńilis tapty. Aldymen qazaqstandyq jup japonııalyq Takýmı Takahası men Dzıýmpeı Ikedege 0:2 (13:21, 17:21) esebimen jol berse, keıin ındonezııalyq Bıntang Akbar men Sofıan Rahmannan 0:2 (17:21, 15:21) esebimen jeńildi.
Áıelder arasynda Krıstına Karımova men Ekaterına Rıýhova C tobynda baq synaýda. Alǵashqy kezdesýde olar Fılıppın ókilderi Haılem Progella men Sofııa Pagarege 0:2 (13:21, 14:21) esebimen ese jiberdi. Ekinshi oıynda qazaqstandyqtar japonııalyq Asamı Shıba men Reıka Mýrakamıden 0:2 (14:21, 14:21) esebimen jeńildi.
Laýra Qabylbekova men Mereı Qojahmet F tobynda óner kórsetip jatyr. Qazaqstandyqtar alǵashqy kezdesýinde japonııalyq Ren Matsýmoto/Non Matsýmoto jubyna 0:2 (14:21, 12:21) esebimen jol berdi. Ekinshi kezdesýde olar Qytaı ókilderi Tsao Shýtın men Dýn Tszege 0:2 (2:21, 12:21) esebimen ese jiberdi.
Búgin, 3 qyrkúıekte, qazaqstandyq juptar kezekti kezdesýlerin ótkizedi.
Eske salaıyq, buǵan deıin Qytaıdyń Shanlo qalasynda jaǵajaı voleıbolynan Azııa chempıonaty bastalǵanyn habarlaǵan edik.
