Jaǵajaı voleıboly: Qazaqstan quramasy Azııa oıyndarynda Malaızııany jeńdi
ASTANA. KAZINFORM — Qazaqstan erler quramasy jaǵajaı voleıbolynan Bahreınde ótip jatqan 2025 jylǵy jasóspirimder arasyndaǵy Azııa oıyndarynyń toptyq kezeńinde ekinshi jeńisine qol jetkizdi.
Ulttyq olımpıadalyq komıtettiń habarlaýynsha, qurama sportshylary Malaızııa komandasyna qarsy kezdesý ótkizgen.
Atap aıtqanda, Álıhan Aǵabek pen Orazaly Saǵynysh qarsylastaryn 2:0 esebimen qapy qaldyrdy.
Munyń aldynda qazaqstandyq jaǵajaı voleıbolshylary Qytaı men Mońǵolııa quramalaryn jeńgen bolatyn.
Eske sala keteıik, osyǵan deıin gandboldan Qazaqstan qyzdar quramasy Azııa oıyndarynda Úndistannan basym túskenin jazǵanbyz.
