Jaǵajaı sambosynan álem chempıonatynda Qazaqstan quramasy 7 medal aldy
ASTANA. KAZINFORM - Qazaqstan quramasy Sıngapýrda ótken jaǵajaı sambosynan álem chempıonatynda jeti medal alyp oljalady.
Bıylǵy básekege 20 eldiń sportshylary qatysty. El quramasy álem chempıonatynda 1 altyn, 1 kúmis, 5 qola júldege qol jetkizdi.
Otandastarymyzdyń arasynan Margarıta Bajaeva (50 keli) chempıon atansa, Asqar Espýsınov (58 keli) kúmis medal aldy.
Al Jandos Beısenbaev (71 keli), Bolat Sapar (88 keli), Aınur Tórebaı (59 keli), Araılym Ábenova (72 keli) jáne Qazaqstan quramasy komandalyq saıysta úzdik úshtikti túıindedi.
Eske salsaq, budan buryn Qytaıdyń Chendý qalasynda ótip jatqan XII Dúnıejúzilik oıyndarynda karate-do sportynan Móldir Jańbyrbaı (50 keli) kúmis júldege ıe boldy.
Otandasymyz fınalda Iran sportshysy Sara Bahmanıermen jolyqty. Negizgi ýaqyt 0:0 esebimen aıaqtalǵan edi. Tóreshiler nátıjeli áreketi úshin jeńisti qarsylasqa berdi.
