Jaǵajaı fýtbolynan QR quramasy Grekııany tas-talqan etti
ASTANA. QazAqparat - Máskeýde jaǵajaı fýtbolynan Eýrolıganyń ekinshi oıynynda Qazaqstan quramasy Grekııanyń qaqpasyna jaýapsyz tórt gol soqty, dep habarlaıdy QazAqparat.
QR Fýtbol federatsııasynan málim etkendeı, Erlan Jamantaev shákirtteri toptyq kezeńdegi ekinshi kezdesýde Grekııany 4:0 esebimen jeńdi. Oıynda gol soqqan fýtbolshylar - Dmıtrıı Perevertov, Igor Demeshko, Vıtalıı Tıýlpa jáne Baıanbek Muralınov.
Aıta keteıik, jaǵajaı fýtbolynan Eýrolıganyń birinshi oıynynda qazaqstandyqtar Moldova quramasyn 7:6 esebimen utqan edi.
Qazaqstan quramasy: Chornyı (k), Gavrılov, Demeshko, Skýdarnov, Muralınov, Perevertov, Chapanov, Tıýlpa, Maqajanov, Makagon.
Sportshylarymyz toptyq kezeńdegi sońǵy oıynyn erteń, 22 shilde kúni Lıtva quramasyna qarsy ótkizedi.
