Jaǵajaı fýtbolynan Qazaqstan sýperkýbogynyń oıyndary ótedi
ASTANA. Sáýirdiń 15-i. QazAqparat /Ernur Aqanbaı/ - Sáýirdiń 24-inde jaǵajaı fýtboly sheberleriniń maýsymy bastalady.
Almaty oblysynyń Qapshaǵaı qalasynda Qazaqstan sýperkýbogynyń oıyndary ótedi. Ony jaǵajaı fýtbolynan el chempıony - Pavlodar oblysynyń «Arman» komandasy men Qazaqstan kýbogynyń jeńimpazy Qapshaǵaıdyń «Barys» komandasy ózara sarapqa salady. Matchtar bir komandanyń úsh ret jeńiske jetkenine deıingi serııadan turatyn pleı-off júıesi boıynsha ótedi. Alǵashqy eki matchtar sáýirdiń 24-inde, al úshinshi match sáýirdiń 25-inde ótedi. Qajet bolǵan jaǵdaıda tórtinshi jáne besinshi matchtar da sáýirdiń 25-inde oınalady.
