Jaǵajaı fýtbolynan Eýrolıga-2018: QR quramasy óz tobynda jeńiske jetti
MÁSKEÝ. QazAqparat - Búgin jaǵajaı fýtbolynan Qazaqstan quramasy 2018 jylǵy Eýrolıga týrnıriniń tobynda jeńiske jetti, dep habarlaıdy QazAqparat QR Fýtbol federatsııasyna silteme jasap.
Eýrolıga-2018 toptyq satysynyń ekinshi kezeńiniń sońǵy oıynynda Erlan Jamantaev jattyqtyratyn jaǵajaı fýtbolynan ulttyq quramamyz Lıtvany utty.
Alǵashqy eki kezeńniń nátıjesi boıynsha esep teń boldy - 2:2. Stanıslav Makagon men Baıanbek Muralınovtyń goldaryna lıtvalyq Adrıýs Plıtnıkas pen Aıvaras Meshkınıs jaýap bere aldy.
Sońǵy kezeńde bizdiń qurama basymdyqty qolǵa aldy. Muralınov pen Demeshkonyń dýbli jáne Tıýlpanyń goly komandamyzǵa jeńis ákeldi, esep - 7:5.
Bunyń aldyndaǵy matchtarda jaǵajaı fýtbolshylarymyz Moldova men Grekııa quramalaryn jeńgenin jazǵan bolatynbyz. Osylaısha, QR ulttyq quramasy úsh matchta sheberlikterin dáleldep, 3-inshi topta birinshi orynǵa ıe boldy. Endi komandamyz promo-fınalda oınaıtyn bolady.
Týrnır oıyndary Máskeýde ótýde.
