Jaǵajaı fýtbolynan Qazaqstan quramasy Italııadaǵy týrnırge qatysady

ASTANA. KAZINFORM — Italııanyń Vıaredjo qalasynda jaǵajaı fýtbolynan Qazaqstan quramasy «Euro Beach Soccer League Promotion Final Viareggio-2025» týrnırine qatysady.

Otandastarymyz 10 qyrkúıekte Maltamen kezdesse, 12 qyrkúıekte Rýmynııamen sheberlik baıqasady.

Al 13-15 qyrkúıek aralyǵynda pleı-off kezeńi ótedi.

Jaǵajaı fýtbolynan Qazaqstan quramasy sapynda Dastamıden Dagıev («Arman»), Dmıtrıı Brovko («Barqy»), Nurdáýlet Bolatbek («Malaısary»), Mıhaıl Kaızer («Arman»), Aıdyn Málikov («Malaısary»), Igor Demeshko («Arman», kapıtan), Artýr Derıng («B& A»), Tımýr Ershın («Arman»), Ábdiqadyr Qurbanov («Omega»), Saıat Áshimov («Malaısary»), Alan Myńbaev («Arman»), Vladıslav Shevchýk («Arman») oıyn kórsetedi.

Eske salsaq, budan buryn Italııanyń Kastellammare dı Stabıa qalasynda ótken Eýrolıga aıasynda (EBSL 2025 — Euro Beach Soccer League) Qazaqstan quramasy elıtalyq dıvızıonǵa joldama aldy.

Qazaqstandyq fýtbolshylar V dıvızıonynda Rýmynııa, Norvegııa jáne Maltamen synǵa tústi. El quramasy Maltany 5:4, Norvegııany 6:4, Rýmynııany 3:2 esebimen jeńdi.