Jaǵajaı fýtbolynan Qazaqstan quramasy Italııadaǵy týrnırdi jeńispen bastady

ASTANA. KAZINFORM - Italııanyń Vıaredjo qalasynda jaǵajaı fýtbolynan Qazaqstan quramasy «Euro Beach Soccer League Promotion Final Viareggio-2025» týrnırinde alǵashqy jeńisine jetti.

Otandastarymyz týrnır barysynda Maltany 7:4 esebimen jeńdi. El quramasynan Ershın, Derıng, Myńbaev, Demeshko (eki gol), Kaızer (eki gol) mergendik tanytty.

Endi otandastarymyz aldaǵyoıyn 12 qyrkúıekte Rýmynııaǵa qarsy match ótkizedi.

Al 13-15 qyrkúıek aralyǵynda pleı-off kezeńi ótedi.

Jaǵajaı fýtbolynan Qazaqstan quramasy sapynda Dastamıden Dagıev («Arman»), Dmıtrıı Brovko («Barqy»), Nurdáýlet Bolatbek («Malaısary»), Mıhaıl Kaızer («Arman»), Aıdyn Málikov («Malaısary»), Igor Demeshko («Arman», kapıtan), Artýr Derıng («B& A»), Tımýr Ershın («Arman»), Ábdiqadyr Qurbanov («Omega»), Saıat Áshimov («Malaısary»), Alan Myńbaev («Arman»), Vladıslav Shevchýk («Arman») oıyn kórsetedi.

Eske salsaq, budan buryn Italııanyń Kastellammare dı Stabıa qalasynda ótken Eýrolıga aıasynda (EBSL 2025 — Euro Beach Soccer League) Qazaqstan quramasy elıtalyq dıvızıonǵa joldama alǵan edi.